ਚੰਡੀਗੜ੍ਹ (IPT Bureau ) ਪੰਜਾਬ ਸਾਹਿਤ ਅਕਾਦਮੀ ਅਤੇ ਅੰਤਰਰਾਸ਼ਟਰੀ ਸਾਹਿਤਕ ਸਾਂਝਾਂ ਵੱਲੋਂ ( ਸਿਰਜਣਾ ਦੇ ਆਰ ਪਾਰ ) ਸਿਰਲੇਖ ਹੇਠ ਡਾਕਟਰ ਸਰਬਜੀਤ ਕੌਰ ਸੋਹਲ ਪ੍ਰਧਾਨ ਪੰਜਾਬ ਸਾਹਿਤ ਅਕਾਦਮੀ ਚੰਡੀਗੜ੍ਹ ਦੇ ਨਾਲ ਰੂਬਰੂ ਪ੍ਰੋਗ੍ਰਾਮ ਕਰਵਾਇਆ ਗਿਆ ਗਿਆ ।ਜੋਕਿ ਬਹੁਤ ਹੀ ਯਾਦਗਾਰੀ ਹੋ ਨਿਬੜਿਆ , ਜਿਸਦੀ ਸਰਾਹਣਾ ਹਰ ਕੋਈ ਕਰ ਰਿਹਾ ਹੈ । ਬਹੁਤ ਸਾਰੇ ਮੈਸੇਜ ਤੇ ਫ਼ੋਨ ਕਾਲ ਕਰਕੇ ਸਿਰਜਨਾ ਦੇ ਆਰ ਪਾਰ ਦੇ ਵਧਾਈ ਸੰਦੇਸ਼ ਆ ਰਹੇ ਹਨ । ਜਿਸਦੇ ਮਾਡਰੇਟਰ ਪ੍ਰੋਫੈਸਰ ਕੁਲਜੀਤ ਕੌਰ ਸ਼ਾਇਰਾ , ਲੇਖਿਕਾ , ਐਂਕਰ ਤੇ ਹੋਸਟ ਵੀ ਨੇ , ਇਹਨਾਂ ਦੀ ਹੋਸਟਿੰਗ ਤੇ ਗੱਲਬਾਤ ਕਰਨ ਦਾ ਅੰਦਾਜ਼ ਕਾਬਿਲੇ ਤਾਰੀਫ਼ ਹੈ । ਪ੍ਰੋਫੈਸਰ ਕੁਲਜੀਤ ਜੀ ਇਕ ਮੰਝੇ ਹੋਏ ਐਂਕਰ ਅਤੇ ਟੀ ਵੀ ਹੋਸਟ ਨੇ । ਅੰਤਰਰਾਸ਼ਟਰੀ ਸਾਹਿਤਕ ਸਾਂਝਾ ਦੇ ਫ਼ਾਊਂਡਰ ਅਤੇ ਪ੍ਰਬੰਧਕ ਰਮਿੰਦਰ ਰੰਮੀ ਦੇ ਵਿਸ਼ੇਸ਼ ਯਤਨਾਂ ਨਾਲ ਕਰਵਾਏ ਗਏ ਇਸ ਪ੍ਰੋਗਰਾਮ ਵਿੱਚ ਹਰਪ੍ਰੀਤ ਸੰਧੂ ਵੱਲੋਂ ਡਾਕਟਰ ਸਰਬਜੀਤ ਸੋਹਲ ਅਤੇ ਪ੍ਰੋ ਕੁਲਜੀਤ ਕੌਰ ਦੀ ਰਸਮੀ ਜਾਣ ਪਛਾਣ ਕਰਵਾਈ ਗਈ।
ਰਿੰਟੂ ਭਾਟੀਆ ਨੇ ਸਰਬਜੀਤ ਸੋਹਲ ਜੀ ਸੋਹਲ , ਪ੍ਰੋਫੈਸਰ ਕੁਲਜੀਤ ਕੌਰ ਤੇ ਮੀਟਿੰਗ ਵਿੱਚ ਹਾਜ਼ਰੀਨ ਮੈਂਬਰਜ਼ ਨੂੰ ਨਿੱਘਾ ਜੀ ਆਇਆ ਕਹਿੰਦੇ ਹੋਏ ਪ੍ਰੋਫੈਸਰ ਕੁਲਜੀਤ ਜੀ ਤੇ ਡਾਕਟਰ ਸਰਬਜੀਤ ਕੌਰ ਸੋਹਲ ਜੀ ਦੀ ਇਸ ਸ਼ਮੂਲੀਅਤ ਲਈ ਉਹਨਾਂ ਨੂੰ ਜੀ ਆਇਆਂ ਆਖਿਆ ਅਤੇ ਪ੍ਰੋਫੈਸਰ ਕੁਲਜੀਤ ਜੀ ਅਤੇ ਡਾਕਟਰ ਸਰਬਜੀਤ ਕੌਰ ਸੋਹਲ ਜੀ ਦੀ ਜਾਣ ਪਹਿਚਾਣ ਕਰਾਉਂਦੇ ਹੋਏ ਪ੍ਰੋਫੈਸਰ ਕੁਲਜੀਤ ਜੀ ਬਾਰੇ ਕਿਹਾ ਕਿ ਉਹ ਇਕ ਵਧੀਆ ਸ਼ਾਇਰ ਤੇ ਲੇਖਕ ਹੋਣ ਦੇ ਨਾਲ ਇਕ ਮੰਝੇ ਹੋਏ ਐਂਕਰ ਤੇ ਹੋਸਟ ਵੀ ਨੇ । ਉਹਨਾਂ ਨੇ ਡਾਕਟਰ ਸਰਬਜੀਤ ਕੌਰ ਸੋਹਲ ਜੀ ਦੀਆਂ ਕਾਵਿ ਰਚਨਾਵਾਂ ਨੂੰ ਸਲਾਹਿਆ ।ਉਪਰੰਤ ਪ੍ਰੋ ਕੁਲਜੀਤ ਕੌਰ ਨੇ ਡਾ ਸਰਬਜੀਤ ਕੌਰ ਸੋਹਲ ਨਾਲ ਉਹਨਾਂ ਦੇ ਪਰਿਵਾਰਕ ਜੀਵਨ ਬਾਰੇ,ਅਧਿਐਨ ਅਤੇ ਅਧਿਆਪਨ ਦੇ ਸਫ਼ਰ ਬਾਰੇ, ਉਹਨਾਂ ਦੇ ਇਨਾਮਾਂ ਸਨਮਾਨਾਂ ਬਾਰੇ ਅਤੇ ਡਾਕਟਰ ਸਰਬਜੀਤ ਕੌਰ ਸੋਹਲ ਦੀ ਸਿਰਜਣਾ ਬਾਰੇ ਵਿਸਥਾਰ ਸਹਿਤ ਸੰਵਾਦ ਰਚਾਇਆ। ਡਾ ਸੋਹਲ ਨੇ ਆਪਣੇ ਜੀਵਨ ਦੇ ਮੁਢਲੇ ਦੌਰ ਤੋਂ ਲੈ ਕੇ ਹੁਣ ਤੱਕ ਦੇ ਸਫ਼ਰ ਤੇ ਬਹੁਤ ਵਿਦਵਤਾ ਨਾਲ ਚਾਨਣਾ ਪਾਇਆ। ਉਹਨਾਂ ਨੇ ਆਪਣੀਆਂ ਪ੍ਰਾਪਤੀਆਂ ਉਪਰ ਸੰਤੁਸ਼ਟੀ ਪ੍ਰਗਟ ਕੀਤੀ। ਬਹੁਤ ਰੌਚਿਕ ਅੰਦਾਜ਼ ਵਿੱਚ ਉਹਨਾਂ ਆਪਣੀਆਂ ਕਵਿਤਾਵਾਂ ਵੀ ਸੁਣਾਈਆਂ ਜਿਨ੍ਹਾਂ ਦੇ ਵਿਸ਼ੇ ਨਾਰੀ ਜੀਵਨ ਪ੍ਰਕਿਰਤੀ ਅਤੇ ਸਮਾਜ ਨਾਲ ਜੁੜੇ ਹੋਏ ਸਨ। ਉਹਨਾਂ ਆਪਣੀਆਂ ਭਵਿੱਖ ਦੀਆਂ ਯੋਜਨਾਵਾਂ ਬਾਰੇ ਵੀ ਸੰਕੇਤ ਕੀਤਾ।ਰਮਿੰਦਰ ਰੰਮੀ ਨੇ ਵੀ ਵਿਸ਼ੇਸ਼ ਤੌਰ ਤੇ ਧੰਨਵਾਦ ਕੀਤਾ। ਪੱਬਪਾ , ਜਗਤ ਪੰਜਾਬੀ ਸਭਾ ਤੇ ਵਰਲਡ ਪੰਜਾਬੀ ਕਾਨਫ਼ਰੰਸ ਦੇ ਚੇਅਰਮੈਨ ਸ੍ਰ ਅਜੈਬ ਸਿੰਘ ਚੱਠਾ ਕੈਨੇਡਾ ਨੇ ਵਿਸ਼ੇਸ਼ ਤੌਰ ਤੇ ਇਸ ਪ੍ਰੋਗਰਾਮ ਵਿੱਚ ਭਾਗ ਲਿਆ ਅਤੇ ਆਪਣੀਆਂ ਵਿਸ਼ੇਸ਼ ਟਿੱਪਣੀਆਂ ਵੀ ਕੀਤੀਆਂ। ਪੂਨਮ ਸਿੰਘ ਪ੍ਰੀਤਲੜੀ , ਸੁਰਜੀਤ ਕੌਰ , ਹਰਦੀਪ ਕੌਰ , ਡਾ ਅਮਰ ਜਿਉਤੀ ਮਾਂਗਟ ਯੂ ਕੇ , ਜੈਸਮੀਨ ਮਾਹੀ , ਡਾਕਟਰ ਪੁਸ਼ਵਿੰਦਰ ਕੌਰ , ਕੁਲਦੀਪ ਕੌਰ ਧੰਜੂ , ਡਾ ਰਵਿੰਦਰ ਭਾਟੀਆ , ਹਰਭਜਨ ਕੌਰ ਗਿੱਲ ਕੈਨੇਡਾ , ਹਰਸ਼ਰਨ ਕੌਰ ਸਰੀ , ਡਾ ਗਗਨਦੀਪ ਕੌਰ , ਮਨਜੀਤ ਧੀਮਾਨ ਕੁਲਵਿੰਦਰ ਕੌਰ ਸਮਰਾ , ਅੰਜਨਾ ਮੈਨਨ , ਮਨੀ ਹਠੂਰ ਸਿੰਗਰ ਤੇ ਹੋਰ ਬਹੁਤ ਸਾਰੇ ਮੈਂਬਰਜ਼ ਨੇ ਇਸ ਮੀਟਿੰਗ ਵਿੱਚ ਸ਼ਿਰਕਤ ਕੀਤੀ । ਇਸ ਦੌਰਾਨ ਜੂਮ ਮੀਟਿੰਗ ਵਿੱਚ ਹਾਜ਼ਰ ਵਿਦਵਾਨ ਸਾਹਿਤਕਾਰਾਂ ਵੀਨਾ ਬਟਾਲਾ, ਹਰਪ੍ਰੀਤ ਸੰਧੂ, ਮਨਜੀਤ ਕੌਰ ਸੇਖੋਂ ਯੂ ਐਸ ਏ , ਹਰਦਿਆਲ ਸਿੰਘ ਝੀਤਾ ਕੈਨੇਡਾ , ਕੁਲਵੰਤ ਕੌਰ ਢਿੱਲੋਂ ਯੂ ਕੇ , ਦਲਵੀਰ ਕੌਰ ਯੂ ਕੇ,ਡਾ ਅਨੀਸ਼ ਗਰਗ ਆਦਿ ਨੇ ਮੈਡਮ ਸੋਹਲ ਤੋਂ ਬਹੁਤ ਸਾਰੇ ਪ੍ਰਸ਼ਨ ਵੀ ਪੁਛੇ ਜਿਨ੍ਹਾਂ ਦਾ ਡਾ ਸੋਹਲ ਨੇ ਬਹੁਤ ਹਲੀਮੀ ਨਾਲ ਤਸੱਲੀ ਬਖਸ਼ ਜਵਾਬ ਦਿੱਤੇ। ਦੇਸ਼ਾਂ ਵਿਦੇਸ਼ਾਂ ਤੋਂ ਮੈਂਬਰਜ਼ ਨੇ ਜ਼ੂਮ ਮੀਟਿੰਗ ਵਿੱਚ ਆਪਣੀ ਸ਼ਮੂਲੀਅਤ ਕੀਤੀ । ਕੈਨੇਡਾ ਤੋਂ ਬਹੁਤ ਸਾਰੀਆਂ ਸੰਸਥਾਵਾਂ ਦੇ ਮੈਂਬਰਜ਼ ਤੇ ਉਹਨਾਂ ਦੇ ਅੋਹਦੇਦਾਰ ਉਚੇਚੇ ਤੌਰ ਤੇ ਇਸ ਮੀਟਿੰਗ ਹਾਜ਼ਿਰ ਹੋਏ । ਸਰਦਾਰ ਮਨਮੋਹਨ ਸਿੰਘ ਵਾਲੀਆ ਆਹਲੂਵਾਲੀਆ ਸਭਾ , ਹਰਦਿਆਲ ਸਿੰਘ ਝੀਤਾ ਰਾਮਗੜ੍ਹੀਆ ਸਿੱਖ ਫ਼ਾਊਂਡੇਸ਼ਨ , ਮਾਲਟਨ ਵੂਮੈਨ ਕੌਂਸਲ ਸੁਰਜੀਤ ਸੰਧੂ ਤੇ ਹੋਰ , ਕੈਨੇਡੀਅਨ ਪੰਜਾਬੀ ਸਾਹਿਤ ਸਭਾ ,
ਅਸੀਸ ਮੰਚ , ਹੈਲਪਿੰਗ ਹੈਂਡਜ਼ ਚੈਰੀਟੇਬਲ ਟਰਸੱਟ ਤੇ ਹੋਰ ਸਭਾਵਾਂ ਦੇ ਮੈਂਬਰਜ਼ ਨੇ ਇਸ ਮੀਟਿੰਗ ਵਿੱਚ ਸ਼ਿਰਕਤ ਕੀਤੀ । ਅੰਤ ਵਿੱਚ ਮੈਡਮ ਸਤਿੰਦਰ ਕੌਰ ਕਾਹਲੋਂ ਨੇ ਡਾ ਸਰਬਜੀਤ ਕੌਰ ਸੋਹਲ ਦਾ ਅਤੇ ਸਮੂਹ ਦਰਸ਼ਕਾਂ ਦਾ ਧੰਨਵਾਦ ਕੀਤਾ। ਸਮੁੱਚੇ ਤੌਰ ਤੇ ਇਹ ਪ੍ਰੋਗਰਾਮ ਯਾਦਗਾਰੀ ਹੋ ਨਿੱਬੜਿਆ। ਪੂਨਮ ਸਿੰਘ ਪ੍ਰੀਤਲੜੀ ਜੀ ਨੂੰ ਮੀਟਿੰਗ ਦੀ ਕਲੋਜ਼ਿੰਗ ਕਰਨ ਲਈ ਕਿਹਾ ਗਿਆ ਸੀ , ਜੋ ਨੈਟ ਪ੍ਰਾਬਲਮ ਹੋਣ ਕਰਕੇ ਦੁਬਾਰਾ ਮੀਟਿੰਗ ਵਿੱਚ ਜੁੜ ਨਹੀਂ ਸਕੇ ਤੇ ਉਹਨਾਂ ਆਪਣਾ ਲਿਖਤੀ ਮੈਸਜ ਭੇਜ ਦਿੱਤਾ ਸੀ । ਉਹਨਾਂ ਨੇ ਕਿਹਾ ਕਿ ਰਮਿੰਦਰ ਰਮੀ ਦੇ ਉਪਰਾਲੇ ਬਹੁਤ ਸ਼ਲਾਘਾਯੋਗ ਹਨ ਤੇ ਪ੍ਰੋਫ਼ੈਸਰ ਕੁਲਜੀਤ ਜੀ ਵੀ ਗੁਣਾਂ ਦੀ ਖਾਣ ਹਨ ਤੇ ਬਹੁਤ ਵਧੀਆ ਐਂਕਰ ਹੋਸਟ ਅਤੇ ਸ਼ਾਇਰ ਵੀ ਹਨ । ਸਰਬਜੀਤ ਕੌਰ ਸੋਹਲ ਇਕ ਪੁਖਤਾ ਅਤੇ ਤੰਦਰੁਸਤ ਪਰਿਵਾਰ ਦੇ ਸਹਿਜ ਪਿਆਰ ਨਾਲ ਆਪਣੀ ਇਕ ਭਰਪੂਰ ਸ਼ਖਸੀਅਤ ਲੈ ਕੇ ਪੰਜਾਬੀ ਸਾਹਿਤ ਜਗਤ ਵਿਚ ਯੋਗਦਾਨ ਪਾ ਰਹੇ ਹਨ। ਜਿੱਥੇ ਉਨ੍ਹਾਂ ਦੀ ਵਿਗਿਆਨ ਦੇ ਖੇਤਰ ਦੀ ਪੜ੍ਹਾਈ ਵੀ ਸਾਹਿਤ ਵਿਚ ਪ੍ਰੈਕਟੀਕਲ ਪੱਧਰ ‘ਤੇ ਸੇਵਾ ਨਿਭਾਉਣ ਲਈ ਉਨ੍ਹਾਂ ਦਾ ਸਾਥ ਦੇ ਹੀ ਰਹੀ ਹੈ, ਓਥੇ ਬਚਪਨ ਤੋਂ ਪੰਜਾਬੀ ਦਾ ਸਾਹਿਤ ਪੜ੍ਹਨ ਅਤੇ ਜਾਨਣ ਦੀ ਲਗਨ ਤੋਂ ਲੈ ਕੇ ਇਸ ਪਾਸੇ ਦੀ ਉੱਚ ਪੱਧਰ ਦੀ ਪੜ੍ਹਾਈ ਅਤੇ ਪੜ੍ਹਾਉਣ ਵਿਚ ਦਿੱਤੀ ਜਾ ਰਹੀ ਸੇਵਾ ਅਤੇ ਉਨ੍ਹਾਂ ਵੱਲੋਂ ਲਿਖਿਆ ਗਿਆ ਬਹੁਤ ਸਾਰਾ ਸਾਹਿਤ ਉਨ੍ਹਾਂ ਨੂੰ ਹਰ ਤਰੀਕੇ ਨਾਲ ਇਸ ਖੇਤਰ ਵਿਚ ਆਗੂ ਕਿਰਦਾਰ ਨਿਭਾਉਣ ਲਈ ਹੱਕਦਾਰ ਬਣਾਉਂਦਾ ਹੈ।
Adv.
ਇਹ ਹੋਰ ਵੀ ਚੰਗੀ ਗੱਲ ਹੈ ਜੋ ਉਹ ਆਪਣੀਆਂ ਤਾਕਤਾਂ ਅਤੇ ਸੀਮਾਵਾਂ ਪ੍ਰਤੀ ਵੀ ਖੂਬ ਜਾਗਰੂਕ ਅਤੇ ਖੁੱਲ੍ਹੇ ਹਨ ਜੋ ਇਕ ਆਗੂ ਲਈ ਬਹੁਤ ਚੰਗਾ ਗੁਣ ਹੁੰਦਾ ਹੈ।ਇਕ ਨਾਰੀ ਦਾ ਸਥਾਨ ਸਮਾਜ ਵਿਚ ਕਿਹੋ ਜਿਹਾ ਹੋਣਾ ਚਾਹੀਦਾ ਹੈ ਅਤੇ ਉਸਦਾ ਸਵੈ ਮਾਣ, ਉਸ ਲਈ ਸਰਬਜੀਤ ਕੌਰ ਸੋਹਲ ਇਕ ਆਲ੍ਹਾ ਮਿਸਾਲ ਹਨ। ਰਮਿੰਦਰ ਰਮੀ ਨੇ ਵੀ ਸੱਭ ਮੈਂਬਰਜ਼ ਦਾ , ਪ੍ਰਬੰਧਕਾਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਮੈਨੂੰ ਅੱਜ ਤੱਕ ਸੱਭ ਸਹਿਯੋਗ ਕਰਦੇ ਆਏ ਹਨ । ਸਰਦਾਰ ਅਜੈਬ ਸਿੰਘ ਚੱਠਾ ਜੀ ਦੇ ਉਤਸ਼ਾਹਿਤ ਤੇ ਪ੍ਰੇਰਿਤ ਕਰਨ ਤੇ ਅੰਤਰਰਾਸ਼ਟਰੀ ਸਾਹਿਤਕ ਸਾਂਝਾਂ ਜ਼ੂਮ ਮੀਟਿੰਗਜ਼ ਸ਼ੁਰੂ ਕੀਤੀ ਗਈ । ਪੰਜਾਬ ਸਾਹਿਤ ਅਕਾਦਮੀ ਦੇ ਪ੍ਰਧਾਨ ਡਾਕਟਰ ਸਰਬਜੀਤ ਕੌਰ ਸੋਹਲ ਜੀ ਸਾਡੀ ਇਸ ਸੰਸਥਾ ਦੀ ਬੈਕ ਬੋਨ ਹਨ , ਉਹਨਾਂ ਦੇ ਸਾਥ ਤੇ ਸਹਿਯੋਗ ਦੇ ਬਿਨਾਂ ਅਸੀਂ ਅਧੂਰੇ ਹਾਂ ।
ਡਾਕਟਰ ਕੁਲਦੀਪ ਸਿੰਘ ਦੀਪ ਤੇ ਅਰਵਿੰਦਰ ਢਿੱਲੋਂ , ਡਾਕਟਰ ਗੁਰਚਰਨ ਕੋਚਰ ਤੇ ਪੂਨਮ ਸਿੰਘ ਪ੍ਰੀਤਲੜੀ ਜੀ ਵੀ ਸ਼ੁਰੂ ਤੋਂ ਸਾਡੇ ਨਾਲ ਜੁੜੇ ਹੋਏ ਹਨ । ਮੈਂ ਦਿਲ ਦੀਆਂ ਗਹਿਰਾਈਆਂ ਤੋਂ ਆਪਣੇ ਸੱਭ ਦੋਸਤਾਂ ਦੀ ਸ਼ੁਕਰ ਗੁਜ਼ਾਰ ਹਾਂ ਜੋ ਸਾਨੂੰ ਹਮੇਸ਼ਾਂ ਸਹਿਯੋਗ ਕਰਦੇ ਹਨ ਤੇ ਇਹੋ ਜਿਹੇ ਪ੍ਰੋਗਰਾਮ ਤਾਂਹੀ ਸਫ਼ਲ ਹੁੰਦੇ ਹਨ , ਇੱਕਲਾ ਇਨਸਾਨ ਕੁਝ ਨਹੀਂ ਕਰ ਸਕਦਾ ।
