ਬੱਚਿਆਂ ਦੀਆਂ ਨੇ ਬਦਲੀਆਂ ਖੇਡਾਂ ,
ਨਿਆਣੇ ਪਾਲਣ ਅੱਜ ਸੋਹਣੀਆਂ ਮੇਡਾਂ ।
ਗੇਮਾਂ ਲਈ ਰਹਿੰਦੇ ਬੱਚੇ ਰੋਣ ,
ਰੋਟੀ ਖਾਂਦੇ ਮੂਹਰੇ ਰੱਖਕੇ ਫ਼ੋਨ ।
ਵਿਚੋਲੇ ਹੋਗੇ ਹੁਣ ਵਿਹਲੇ ਨੇ ਸਾਰੇ ,
ਡੇਟਿੰਗ ਸਾਈਟਾਂ ਤੇ ਮਿਲਦੇ ਪਿਆਰੇ ।
ਵਿਆਹਾਂ ਦੀ ਹੁਣ ਰਹੀ ਨਾ ਟੈਨਸ਼ਨ ,
ਵੈਡਿੰਗ ਪਲੈਨਰ ਸਭ ਕਰਦੇ ਮੈਨਸ਼ਨ ।
ਫੰਕਸ਼ਨਾਂ ਦੇ ਹੁਣ ਬਦਲੇ ਟਰੈਂਡ ,
ਗੱਲਾਂ ਕਰਦੇ ਸਭ ਬਹਿ ਕੇ ਫਰੈਂਡ ।
ਵੈਡਿੰਗ ਵੀ ਕਰਨੀ ਹੈ ਡੈਸਟੀਨੇਸ਼ਨ ,
ਹੁਣ ਇਟਲੀ ਬਣ ਗਿਆ ਫੈਸੀਨੇਸ਼ਨ ।
ਪ੍ਰੀ ਵੈਡਿੰਗ ਦਾ ਚੱਲ ਪਿਆ ਟਰੈਂਡ ,
ਵਿਆਹ ਤੋਂ ਪਹਿਲਾਂ ਹਸਬੈਂਡ ਫਰੈਂਡ ।
ਅੱਜ ਬਦਲ ਗਏ ਮੈਰਿਜ ਦੇ ਰੂਟ ,
ਵੀਡੀਓ ਕਰਨੀ ਪਹਿਲਾਂ ਹੀ ਸ਼ੂਟ ।
ਮਹਿੰਗੀ ਕਾਰ ਹੁਣ ਸਟੇਟਸ ਸਿੰਬਲ ,
ਕਿਤਾਬਾਂ ਦੀ ਥਾਂ ਲੈ ਗਈ ਕਿੰਡਲ ।
ਔਨਲਾਈਨ ਹੀ ਸਭ ਲੈਂਦੇ ਲੈਸਨ ,
ਵਰਚੂਅਲ ਹੀ ਸਭ ਚਲਦੇ ਫ਼ੈਸ਼ਨ ।
ਗਲੋਬ ਹੋ ਗਿਆ ਸਾਰਾ ਹੀ ਵਾਰਮ ,
ਮੌਸਮ ਦਾ ਹੁਣ ਰਿਹਾ ਨਾ ਚਾਰਮ ।
ਠੰਡੇ ਮੁਲਕ ਹੱਥ ਸੂਰਜ ਨੂੰ ਪਾਉਂਦੇ ,
ਗਰਮੀ ਵਾਲੇ ਅੱਗ ਪਾਣੀ ਨੂੰ ਲਾਉਂਦੇ।
ਡਿਜ਼ਾਈਨਰ ਕੱਪੜੇ ਲੋਕੀਂ ਪਾਉਂਦੇ ,
ਫ਼ਿਲਟਰ ਲਾ ਕੇ ਫੋਟੋਆਂ ਲਾਉਂਦੇ ।
ਸ਼ੋ ਔਫ਼ ‘ਚ ਹੁਣ ਪੈ ਗਈ ਜਨਤਾ ,
ਸੱਭਿਆਚਾਰ ਦਾ ਮੂੰਹ ਹੈ ਭੰਨਤਾ ।
ਡਿਜ਼ੀਟਲ ਹੋ ਗਈ ਸਾਰੀ ਕਰੰਸੀ ,
ਜੇਬ ‘ਚ ਰੱਖਦੀ ਫ਼ੋਨ ਬਸੰਤੀ ।
ਗੱਬਰ ਨਾਲ ਗ਼ਜ਼ਨੀ ਦੀ ਆੜੀ ,
ਅੱਜ ਵੀ ਲਾਉਂਦੀ ਰੇਖਾ ਸਾੜੀ ।
ਮਹਾਂਵੀਰ ਫੋਗਟ ਨੇ ਟਰੈਂਡ ਕੀਤੇ ਸੈੱਟ ,
ਸਰਚ ਕਰਲੋ ਉੱਤੇ ਦੰਗਲ਼ ਨੈੱਟ ।
ਫਿਰ ਪੂਰੇ ਇੰਡੀਆ ਨੇ ਲੱਡੂ ਵੰਡੇ ,
ਜਦ ਫੋਗਟ ਭੈਣਾਂ ਨੇ ਗੱਡੇ ਝੰਡੇ ।
“ਦੀਪ” ਵੀ ਫੜਦੀ ਬੈਗ ਹੈ ਖਾਲ਼ੀ ,
ਕੈਸ਼ ਦੀ ਥਾਂ ਕਾਰਡਾਂ ਨੇ ਲੈ ਲੀ ।
ਇਹ ਟਰੈਂਡ ਬਦਲਦੇ ਚੜਦੇ ਸਾਲ ,
ਹੁਣ ਚਲਣਾ ਪੈਣਾ ਸਮੇਂ ਦੇ ਨਾਲ ।
~ ਮਨਦੀਪ ਕੌਰ ਭੰਡਾਲ ‘~
ਲੰਡਨ ਤੋਂ
