ਦਿੱਲੀ (ਰੰਜਨਦੀਪ ਸੰਧੂ, ਅਮਰੀਕ ਮਠਾਰੁ ):- ਖ਼ਬਰ ਏਜੰਸੀ ਪੀਟੀਆਈ ਮੁਤਾਬਕ, ਫਰੀਦਾ ਪਿੰਟੋ, ਜ਼ੋਇਆ ਅਖ਼ਤਰ, ਅਲੰਕ੍ਰਿਤਾ ਸ਼੍ਰੀਵਾਸਤਵ, ਗੌਰੀ ਸ਼ਿੰਦੇ, ਰੀਮਾ ਕਾਗਤੀ, ਰੁਚੀ ਨਰਾਇਣ, ਰਸਿਕਾ ਦੁੱਗਲ, ਨਿਤਿਆ ਮਹਿਰਾ, ਅਮਰੁਤਾ ਸੁਭਾਸ਼, ਮਿਨੀ ਮਾਥੁਰ, ਦਿਆ ਮਿਰਜ਼ਾ ਅਤੇ ਕੁਬੱਰਾ ਸੈਤ ਵਰਗੀਆਂ ਫਿਲਮੀ ਹਸਤੀਆਂ ਨੇ ਵੀ ਇਸ ਪੱਤਰ ਉੱਤੇ ਹਸਤਾਖ਼ਰ ਕੀਤੇ ਹਨ। ਭਾਰਤ ਦੇ ਪਿਆਰੇ ਨਿਊਜ਼ ਮੀਡੀਆ। ਅਸੀਂ ਤੁਹਾਡੇ ਬਾਰੇ ਚਿੰਤਤ ਹਾਂ। ਕੀ ਤੁਸੀਂ ਠੀਕ ਮਹਿਸੂਸ ਕਰ ਰਹੇ ਹੋ? ਕਿਉਂਕਿ, ਜਿਵੇਂ ਕਿ ਅਸੀਂ ਰਿਆ ਚੱਕਰਵਰਤੀ ਬਾਰੇ ਕੀਤੇ ਤੁਹਾਡੇ ‘ਵਿਚ ਹੰਟ’ ਨੂੰ ਵੇਖਦੇ ਹਾਂ, ਅਸੀਂ ਇਹ ਨਹੀਂ ਸਮਝ ਪਾ ਰਹੇ ਹਾਂ ਕਿ ਤੁਸੀਂ ਕਿਉਂ ਪੱਤਰਕਾਰੀ ਦੀ ਹਰ ਪੇਸ਼ੇਵਰ ਨੈਤਿਕਤਾ, ਮਨੁੱਖੀ ਸ਼ਿਸ਼ਟਾਚਾਰ ਅਤੇ ਸਤਿਕਾਰ ਨੂੰ ਛੱਡ ਦਿੱਤਾ ਹੈ ਅਤੇ ਆਪਣੇ ਕੈਮਰੇ ਦੇ ਅਮਲੇ ਨਾਲ ਇੱਕ ਕੁੜੀ ‘ਤੇ ਸਰੀਰਕ ਤੌਰ ‘ਤੇ ਹਮਲਾ ਕਰ ਰਹੇ ਹੋ, ਉਸ ਦੀ ਨਿੱਜਤਾ ਦਾ ਨਿਰੰਤਰ ਘਾਣ ਕਰ ਰਹੇ ਹੋਅਤੇ ‘ਰਿਆ ਨੂੰ ਫਸਾਓ’ ਦੇ ਡਰਾਮੇ ਲਈ ਝੂਠੇ ਇਲਜ਼ਾਮਾਂ ਦੀ ਝੜੀ ਲਗਾ ਰਹੇ ਹੋ।”
ਹਸਤਾਖ਼ਰ ਕਰਨ ਵਾਲਿਆਂ ਨੇ ਕਿਹਾ ਕਿ ਮੀਡੀਆ ਇਸ ਮਾਮਲੇ ‘ਚ ਇੱਕ ਔਰਤ ਦੇ ਚਰਿੱਤਰ ਨੂੰ ਲੈ ਕੇ ਇੱਕ ਅਜਿਹਾ ਬਿਰਤਾਂਤ ਰੱਚ ਰਿਹਾ ਹੈ, ਕਿਉਂਕਿ ਉਹ ‘ਵਿਚਾਰੀ’ ਬਨਣ ਦੀ ਥਾਂ ਆਪਣੇ ਲਈ ਬੋਲ ਰਹੀ ਹੈ।
ਅਦਾਕਾਰ ਸਲਮਾਨ ਖਾਨ ਅਤੇ ਸੰਜੇ ਦੱਤ ਦੇ ਕੇਸਾਂ ਦੀ ਕਵਰੇਜ ਦਾ ਹਵਾਲਾ ਦਿੰਦਿਆ ਪੱਤਰ ‘ਚ ਮੀਡੀਆ ਨੂੰ ਅਪੀਲ ਕੀਤੀ ਹੈ ਕਿ ਉਹ ਰਿਆ ਪ੍ਰਤੀ ਵੀ ਉਹੋ ਜਿਹੀ ਦਿਆਲਤਾ ਅਤੇ ਸਤਿਕਾਰ ਦਿਖਾਉਣ।
ਪੱਤਰ ਵਿੱਚ ਲਿਖਿਆ ਹੈ, “ਅਸੀਂ ਜਾਣਦੇ ਹਾਂ ਕਿ ਤੁਸੀਂ ਵੱਖਰੇ ਹੋ ਸਕਦੇ ਹੋ – ਕਿਉਂਕਿ ਅਸੀਂ ਤੁਹਾਨੂੰ ਇਸ ਦੁਨੀਆਂ ਦੇ ਸਲਮਾਨ ਖਾਨਾਂ ਅਤੇ ਸੰਜੇ ਦੱਤਾਂ ਪ੍ਰਤੀ ਦਿਆਲੂ ਅਤੇ ਸਤਿਕਾਰ ਭਰੇ ਹੁੰਦੇ ਵੇਖਿਆ ਹੈ, ਅਤੇ ਅਸੀਂ ਤੁਹਾਨੂੰ ਉਨ੍ਹਾਂ ਦੇ ਪਰਿਵਾਰ, ਪ੍ਰਸ਼ੰਸਕਾਂ ਅਤੇ ਕਰੀਅਰ ਬਾਰੇ ਸੋਚਣ ਦੀ ਅਪੀਲ ਕਰ ਰਹੇ ਹਾਂ।”
ਪੱਤਰ ‘ਚ ਅੱਗੇ ਲਿਖਿਆ ਗਿਆ ਹੈ, “ਅਸੀਂ ਤੁਹਾਨੂੰ, ਨਿਊਜ਼ ਮੀਡੀਆ ਨੂੰ, ਰਿਆ ਚੱਕਰਵਰਤੀ ਦੇ ਨਾਲ ਕੀਤੇ ਜਾ ਰਹੇ ਇਸ ਨਾਜਾਇਜ਼ ‘ਵਿਚ ਹੰਟ’ ਨੂੰ ਰੋਕਣ ਲਈ ਲਿਖ ਰਹੇ ਹਾਂ… ਅਸੀਂ ਤੁਹਾਨੂੰ ਸਹੀ ਅਤੇ ਜ਼ਿੰਮੇਵਾਰ ਕੰਮ ਕਰਨ ਲਈ ਕਹਿਣ ਲਈ ਲਿਖ ਰਹੇ ਹਾਂ। ਤੁਹਾਡਾ ਕੰਮ…ਖਬਰਾਂ ਦੀ ਭਾਲ ਕਰਨਾ ਹੈ, ਔਰਤਾਂ ਦਾ ਸ਼ਿਕਾਰ ਨਹੀਂ।
ਇਸ ਖੁੱਲੀ ਚਿੱਠੀ ‘ਚ ਉਨ੍ਹਾਂ ਕਿਹਾ ਕਿ ਮੀਡੀਆ ਖ਼ਬਰਾਂ ਦੀ ਭਾਲ ਕਰੇ ਨਾ ਕਿ ਔਰਤਾਂ ਦੀ ਸ਼ਿਕਾਰ ਕਰੋ । ਰਿਆ, ਜਿਸ ਨੂੰ ਨਾਰਕੋਟਿਕਸ ਕੰਟਰੋਲ ਬਿਊਰੋ ਨੇ ਸੁਸ਼ਾਂਤ ਦੀ ਮੌਤ ਦੇ ਕੇਸ ਵਿੱਚ ਨਸ਼ਿਆਂ ਨਾਲ ਸੰਬੰਧਤ ਆਰੋਪਾਂ ਵਿੱਚ ਗ੍ਰਿਫ਼ਤਾਰ ਕੀਤਾ ਹੈ, ਉਸ ਦੇ ਖ਼ਿਲਾਫ਼ ਇੱਕ ਪੂਰੀ ਮੁਹਿੰਮ ਚੱਲੀ ਹੋਈ ਹੈ
ਇਹ ਖੁੱਲਾ ਪੱਤਰ ਫੇਮੀਨਿਸਟ ਵੌਇਸਜ਼ ਨਾਮਕ ਇੱਕ ਬਲਾੱਗ ‘ਤੇ ਪ੍ਰਕਾਸ਼ਤ ਹੋਇਆ ਹੈ।
