ਸਾਹਿਤ ਵਿਗਿਆਨ ਕੇਂਦਰ ਵਲੋਂ ਪੁਸਤਕ ਲੋਕ-ਅਰਪਣ
*************************************** ਚੰਡੀਗੜ੍ਹ (IPT BUREAU)ਸਾਹਿਤ ਵਿਗਿਆਨ ਕੇਂਦਰ ਦੀ ਵਿਸ਼ੇਸ਼ ਇਕੱਤਰਤਾ ਪੰਜਾਬ ਕਲਾ ਭਵਨ ਚੰਡੀਗੜ੍ਹ ਵਿਖੇ ਹੋਈ ਜਿਸ ਵਿਚ ਦਿੱਲੀ ਨਿਵਾਸੀ ਸ੍ਰੀ ਕਮਲ ਕਲੰਦਰ ਜੀ ਦਾ ਪੁਸਤਕ “ਤਰਜ਼-ਏ-ਕਲੰਦਰ” ਦਾ ਲੋਕ ਅਰਪਣ ਕੀਤਾ ਗਿਆ।ਉੱਘੇ ਗਜ਼ਲਗੋ ਸ੍ਰੀ ਸਿਰੀ ਰਾਮ ਅਰਸ਼ ਨੇ ਪ੍ਰਧਾਨਗੀ ਕੀਤੀ ਅਤੇ ਸ੍ਰੀ ਜਸਪਾਲ ਸਿੰਘ ਦੇਸੂਵੀ ਬਤੌਰ ਮੁੱਖ ਮਹਿਮਾਨ ਸ਼ਾਮਲ ਹੋਏ।ਪ੍ਰਧਾਨਗੀ ਮੰਡਲ ਵਿਚ ਇਹਨਾਂ ਤੋਂ ਇਲਾਵਾ ਲੇਖਕ ਕਮਲ ਕਲੰਦਰ,President .Gurdarshan Singh Mavi ਕੇਂਦਰ ਦੇ ਪ੍ਰਧਾਨ ਗੁਰਦਰਸ਼ਨ ਸਿੰਘ ਮਾਵੀ, ਕੇਂਦਰ ਦੇ ਸਰਪ੍ਰਸਤ ਡਾ: ਅਵਤਾਰ ਸਿੰਘ ਪਤੰਗ ਵੀ ਸ਼ੁਸ਼ੋਭਿਤ ਸਨ।ਕਮਲ ਜੀ ਦੀ ਇਸ ਕਿਤਾਬ ਵਿਚੋ ਬਲਵਿੰਦਰ ਸਿੰਘ ਢਿੱਲੋਂ ਵਲੋਂ ਗਜਲਾਂ ਗਾਉਣ ਨਾਲ ਪ੍ਰੋਗਰਾਮ ਦੀ ਸ਼ੁਰੂਆਤ ਹੋਈ।ਡਾ: ਸ਼ਿੰਦਰਪਾਲ ਸਿੰਘ ਅਤੇ ਭਗਤ ਰਾਮ ਰੰਗਾੜਾ ਜੀ ਨੇ ਪ੍ਰਧਾਨਗੀ ਮੰਡਲ ਨਾਲ ਮਿਲ ਕੇ ਪੁਸਤਕ ਦਾ ਲੋਕ ਅਰਪਣ ਕੀਤਾ।ਡਾ: ਪਰਵੀਨ ਸ਼ੇਰੋਂ ਨੇ ਕਿਹਾ ਕਿ ਕੁਦਰਤ, ਸਾਹਿਤ ਅਤੇ ਮਨੁੱਖ ਦਾ ਆਪਸੀ ਗੂੜ੍ਹਾ ਸਬੰਧ ਹੈ।ਹਰ ਇਕ ਮਨੁੱਖ ਕਿਸੇ ਵੀ ਸਥਿਤੀ ਨੂੰ ਆਪਣੇ ਮਨ ਦੀ ਅਵਸਥਾ ਅਨੁਸਾਰ ਵੇਖਦਾ ਹੈ।ਅਜਿਹੀ ਵਧੀਆ ਸੂਫੀ ਕਿਤਾਬ ਦਾ ਪਾਠਕਾਂ ਦੇ ਹੱਥ ਆਉਣਾ ਸ਼ੁੱਭ ਸ਼ਗਨ ਹੈ।ਪਰਸ ਰਾਮ ਸਿੰਘ ਬੱਧਨ ਨੇ ਕਿਹਾ ਕਿ ਸੂਫੀਆਂ ਦੀ ਸੰਗਤ ਮਾਨਣ ਵਾਲਾ ਇਸ ਪੁਸਤਕ ਨੂੰ ਡੂੰਘਾਈ ਵਿਚ ਸਮਝ ਸਕਦਾ ਹੈ।ਡਾ; ਪਤੰਗ ਨੇ ਕਿਹਾ ਕਿ ਉੱਚੀ ਅਧਿਆਤਮਕ ਅਵਸਥਾ ਵਾਲਾ ਹੀ ਕਲੰਦਰ ਬਣ ਸਕਦਾ ਹੈ।ਕਮਲ ਕਲੰਦਰ ਦੀਆਂ ਗਜਲਾਂ ਪੜ੍ਹ ਕੇ ਮਨ ਨੂੰ ਧੂਹ ਪੈਂਦੀ ਹੈ।ਪਰਮਜੀਤ ਪਰਮ ਨੇ ਕਿਤਾਬ ਵਿਚੋਂ ਕੁੱਝ ਚੋਣਵੇਂ ਸ਼ੇਅਰ ਸੁਣਾਏ।ਉਹਨਾਂ ਕਿਹਾ ਕਿ ਕਿਤਾਬ ਵਿਚ ਘਟਨਾਵਾਂ ਦਾ ਵਧੀਆ ਸ਼ਬਦ ਚਿਤਰਣ ਕੀਤਾ ਹੈ। ਲੇਖਕ ਕਮਲ ਕਲੰਦਰ ਨੇ ਕਿਹਾ ਕਿ ਉਹ ਮਿਹਨਤ ਅਤੇ ਲਗਨ ਨਾਲ ਗਜਲਾਂ ਲਿਖਦੇ ਹਨ।ਲੇਖਕਾਂ ਵਲੋਂ ਹੌਸਲਾ ਮਿਲਣ ਨਾਲ ਹੋਰ ਅੱਗੇ ਲਿਖਣ ਨੂੰ ਮਨ ਕਰਦਾ ਹੈ।ਮੁੱਖ ਮਹਿਮਾਨ ਦੇਸੂਵੀ ਨੇ ਕਿਹਾ ਕਿ ਗਜਲ ਲਿਖਣਾ ਔਖਾ ਕਾਰਜ ਹੈ।ਰਚਨਾ ਸਮੇਂ ਦੇ ਹਾਣ ਦੀ ਹੋਣੀ ਚਾਹੀਦੀ ਹੈ।ਪ੍ਰਧਾਨਗੀ ਭਾਸ਼ਨ ਵਿਚ ਅਰਸ਼ ਜੀ ਨੇ ਕਿਹਾ ਕਿ ਕਵਿਤਾ ਪਹਿਲਾਂ ਆਈ ਤੇ ਪਿੰਗਲ ਬਾਦ ਵਿਚ ਬਣਿਆ।ਕਵਿਤਾ ਜਾਂ ਗਜਲ ਨੂੰ ਲੈਅ ਦੇ ਨਾਲ ਜਦੋਂ ਸੌਰ ਮਿਲ ਜਾਂਦੀ ਹੈ ਤਾਂ ਨਵੀਂ ਊਰਜਾ ਪੈਦਾ ਹੁੰਦੀ ਹੈ।
Adv.ਇਸ ਮੌਕੇ ਸਿਮਰਜੀਤ ਗਰੇਵਾਲ, ਗੁਰਦਾਸ ਸਿੰਘ ਦਾਸ,ਸੁਰਜੀਤ ਸਿੰਘ ਧੀਰ, ਦਰਸ਼ਨ ਤਿਊਣਾ ਅਤੇ ਤਰਸੇਮ ਰਾਜ ਨੇ ਗੀਤ ਗਾ ਕੇ ਮਾਹੌਲ ਨੂੰ ਰੰਗੀਨ ਬਣਾਇਆ।ਅਖੀਰ ਵਿਚ ਡਾ: ਅਵਤਾਰ ਸਿੰਘ ਪਤੰਗ ਨੇ ਗਜਲ ਦੀ ਮਹੱਤਤਾ ਬਾਰੇ ਦਸਿਆ ਕਿ ਭਾਈ ਨੰਦ ਲਾਲ ਗੋਇਆ ਜੀ ਦੀਆਂ ਗਜਲਾਂ ਨੂੰ ਗੁਰੂ ਘਰ ਵਿਚ ਗਾਇਆ ਜਾਂਦਾ ਹੈ।ਪਤੰਗ ਜੀ ਨੇ ਸਭ ਦਾ ਧੰਨਵਾਦ ਕੀਤਾ ।ਇਸ ਮੌਕੇ ਲਾਭ ਸਿੰਘ ਲਹਿਲੀ, ਪਾਲ ਅਜਨਬੀ,ਹਰਬੰਸ ਸਿੰਘ ਸੋਢੀ,ਕਮਲੇਸ਼ ਕੁਮਾਰ,ਸਰੋਜ,ਸਤਿਆ ਦੇਵੀ,ਰਾਜ ਰਾਣੀ, ਰਜਿੰਦਰ ਰੇਨੂ, ਚਰਨਜੀਤ ਕੌਰ ਬਾਠ,ਪੰਮੀ ਸਿੱਧੂ ਸੰਧੂ, ਸੁਰਿੰਦਰ ਕੌਰ ਬਾੜਾ, ਡਾ: ਮਨਜੀਤ ਬਲ, ਅਜਾਇਬ ਔਜਲਾ,ਸੰਜੀਵਨ ਸਿੰਘ,
,ਸੋਹਣ ਸਿੰਘ ਬੈਨੀਪਾਲ,ਸ਼ਾਇਰ ਭੱਟੀ,ਸੁਰਿੰਦਰ ਕੁਮਾਰ, ਪਿਆਰਾ ਸਿੰਘ ਰਾਹੀ, ਰਤਨ ਬਾਬਕਵਾਲਾ,ਕਿਰਨ ਬੇਦੀ, ਹਰਸਿਮਰਤ ਕੌਰ,ਸਿਕੰਦਰ ਸਿੰਘ ਪੱਲਾਹ,ਬਲਜਿੰਦਰ ਕੌਰ ਸ਼ੇਰਗਿੱਲ,ਭੁਪਿੰਦਰ ਸਿੰਘ ਭਾਗੋਮਾਜਰਾ,ਧਿਆਨ ਸਿੰਘ ਕਾਹਲੋਂ,ਵੀ ਹਾਜਰ ਸਨ।
ਦਵਿੰਦਰ ਕੌਰ ਢਿੱਲੋਂ (ਜਨ: ਸਕੱਤਰ)
ਸਾਹਿਤ ਵਿਗਿਆਨ ਕੇਂਦਰ ਚੰਡੀਗੜ੍ਹ
